قصيـــــدة : حمــود عيــــــد
|
انا لى قصةٍ قصـه ولا ظنـى تجـى فالبـال
ابكتبها وانا ادرى ان الدموع تهل مـن عينـى
حكاية شاعرٍ يكتب من طروق القصيد جـزال
وعاف البيت. والمعنى. وطرقه. والدواوينـى
كثير الناس من حولى تنشدّنـى وش؟الاحـوال
علامك ليه ما تكتـب وانـا شعـرى معنينـى
اشيل هموم فى صدرى وانا همى يهـد جبـال
تثاقلـت الكـلام ولا لقيـت اللـى يقديـنـى
انا عارف ترى الشكوى لغير الله علـيّ إذلال
وانا عارف قدر نفسـي واقـول الله مغنينـى
وعا قلبي وابوي يقولها مـا يشكـى الرجـال
ياربي طول بعمـره علـى العـزه موصينـى
موصينى على شيل المصايب لو تجينى أثقـال
ولو ضاقت بى الدنيا ولو دارت بـى سنينـى
ترى صبرٍ جميل يعوضك يوم الليالـى طـوال
مدام الصبر مفتاح الفـرج والنـاس دارينـى
يقول لسانك حصانك واذا صنته مـع الجهـال
تبى ترقا المعالـى والنصيحـه بينـك وبينـى
صغير السن حزتهـا معلمنـى علـوم رجـال
طبايع "بدو" محلاهـا علـى الفطـره مربينـى
كبرت وشفت انا الدنيا بعينى وكثـرت الآمـال
صحيح اضحك مع العالم وربـي عالـمٍ فينـى
اقول انى مقزرها وانـا جرحـى هنـا لازال
مـدام ان الهمـوم اللـى تصبحنـى تمسينـى
ابى قلبٍ عرف ينسا . وابى عمرٍ قصر لو طال
وابى همى يفارقنـى . وابـى حـبٍ يكفينـى
وابى قلبٍ على قلبي صدوق ولا يجيه اجـدال
ابـى لاضاقـت الدنيـا بعينـى مـا يخلينـى
وابى قلبٍ ملابه من حنان الكون كـل اشكـال
حنـان "الام" يـا زينـه ابـى مثلـه يدفينـى
قسم لكتب له ابيـاتٍ تجـى للعاشقيـن امثـال
وجيب مـن القصيـد اللـى يسليـه ويسلينـى
وعوض كل ما فات الخفوق اقوال وإلا أفعـال
"حبيبى"يابعـد عمرى"حياتى"يـا نظـر عينـى
أبى لى قلب ينبضها بصدق ولا يجـى محتـال
ولكن للأسف حظـى وقـف عيـا يراعينـى
صدمت بواقعى.! وادرى علومى ما تسر البال
آلا ياللـى تنشدّنـى تـرى همـى مطوّيـنـى
هذاك اليوم تسألنى وحالـى بالقصايـد حـال
انا لاجيت ابكتبهـا يهـل الدمـع مـن عينـى
تبى أكثر اوضحّهـا انـا جرحـى هنـا لازال
أبى ترجع بدايتهـا "وركـز فـى عناوينـى"
حكاية شاعرٍ يكتب من طروق القصيد جـزال
وعاف "البيت" والمعنى" وطرقه" والدواوينـى"
|
حقوق الطبع شبكة حباري لعشاق الصيد